مظفرگڑھ میں ایک بہت خوفناک واقعہ پیش آیا ہے ایک سفاک درندے نے بچوں کو ذبح کر دیا اور ذبح کرنے کے بعد ان بچوں کو کھا گیا۔
تفصیلات کے مطابق آج سے پانچ روز قبل 3 بچوں کو اغوا کیا گیا جن میں سے ایک معصوم بچے کی جان بچا لی گئی اور باقی دو بچوں کو وہ خوفناک درندہ ذبح کر کے ان کا گوشت پکا کر کھا گیا اور ان معصوم بچوں کا گوشت اس درندے نے دربار پر بھی تقسیم کیا۔

مزید تفصیلات بتاتے چلیں کہ اس درندے ملزم کو ایک ڈیرے سے گرفتار کیا گیا جس بچے کو بازیاب کروایا گیا اس کی عمر سات سال تھی اور اس کا نام علی حسن تھا۔اس بچے نے پولیس کو بتایا کہ اس نے پہلے ہی دن تین سالہ عبداللہ کو قتل کیا اور اس کا گوشت پکا کر کھا گیا اور اگلے دن ڈیڑھ سالہ بہن حفصہ کو قتل کیا اور اس کا بھی گوشت پکایا اور دربار پر تقسیم کر دیا۔
پولیس نے بلال نامی ملزم کو گرفتار کر لیا ہے۔پولیس کا کہنا ہے کہ ملزم فی الحال بے ہوش ہے جیسے ہی وہ ہوش میں آئے گا اس سے مزید تفصیلات اکٹھی کی جائیں گی۔